Almaty áýejaıynda kishkentaı bala áınek qabyrǵaǵa soǵylyp, aýrýhanaǵa jetkizildi

ALMATY. KAZINFORM – Almaty halyqaralyq áýejaıynda kishkentaı bala áınek qabyrǵaǵa soǵylyp jaraqat aldy. Oqıǵa ornynan túsirilgen sýretter áleýmettik jelide tarap jatyr.

Áýejaıdyń baspasóz qyzmetiniń málimetinshe, ishki reıster termınalynda ushaqqa otyrǵyzýdy kútý kezinde kishkentaı bala oınap júrip, kenetten perronǵa shyǵatyn esikke qaraı júgirip, vıtrajdy qorshaýǵa soǵylǵan.

– Áýejaıdyń qaýipsizdik qyzmeti birden áreket etip, áýejaıdyń medıtsınalyq qyzmeti men jedel járdem shaqyrdy. Kezekshi medıtsına qyzmetkerleri oqıǵa ornyna jedel jetip, jedel járdem kelgenge deıin alǵashqy medıtsınalyq kómek kórsetti, - dep habarlady áýejaıdan.

Mamandardyń aıtýynsha, balanyń ómiri men densaýlyǵyna qaýip tónip turǵan joq. Áýejaı ákimshiligi bul jaǵdaıǵa baılanysty barlyq qarjylyq shyǵyndy óz moınyna aldy.

Almaty áýejaıy kámeletke tolmaǵan balalardyń ata-analaryn jaýapkershilikti arttyrýǵa jáne balalaryna baqylaýdy kúsheıtýge shaqyrady. 

Eske salaıyq, osyǵan deıin Delıden Almatyǵa aýyr halde kelgen kishkentaı balaǵa halyqaralyq áýejaıy jedel járdem qyzmetin jibermegeni týraly jazǵan edik. 

Keıin naýqas balaǵa tıisti qyzmet kórsetpegen qyzmetkerden 5 mln teńge óndirildi.