Almaty áýejaıynda qyzdy kepilge alǵan er adam sottaldy
ALMATY. KAZINFORM – Almaty áýejaıynda adamdy kepilge alý isi boıynsha Mashrapbek Baratovqa sot úkimi shyqty.
Túrksib aýdandyq sotynda sýdıa Anar Qarasheva 7 naýryz kúni Almaty áýejaıynda tekserý qyzmetiniń ınspektoryn kepilge alyp, áýejaıdy jaramyn dep qorqytty dep aıyp taǵylǵan Mashrapbek Baratovqa qatysty sot úkimin oqydy. Ol 11 jylǵa bas bostandyǵynan aıyryldy.
M.Baratov QR QK 293-baby 3-bóligi (buzaqylyq), 261-baby 2-bóligi 4-tarmaǵy (kepilge alý) jáne 273-baby (terrorızm aktisi týraly kórineý jalǵan habarlaý) boıynsha kináli dep tanyldy.
Buǵan deıin Almaty áýejaıynda adamdy kepilge alý isi boıynsha sot qaıta bastalǵanyn jazǵanbyz.
Jaryssózde prokýror kúdiktini 10,5 jyl bas bostandyǵynan aıyrýdy surady.
Eske salaıyq, 7 naýryz kúni Almaty áýejaıynda er adam qyzdy kepilge alyp, kópshilik aldynda pyshaq kezendi.
Musa Ábdiraıym kúdiktige ózin kepilge usynyp, qyzmetkerdiń ornyna turǵan. Er adam tártip saqshylarymen kelissózge alańdaǵan tusta ol kúdiktiniń qolyndaǵy pyshaqty julyp aldy.