Almaty áýejaıynda esirtki tasyǵan eki jolaýshy ustaldy

ALMATY. KAZINFORM – Almaty áýejaıynda halyqaralyq áýe reısiniń eki jolaýshysy esirtki kontrabandasy úshin ustaldy. Bul týraly Kóliktegi polıtsııa departamentiniń baspasóz qyzmeti habarlady.

- Phýket-Almaty baǵytyndaǵy áýe reısi ushyp kelgennen keıin Almaty qalasy áýejaıyndaǵy jelilik polıtsııa bóliminiń qyzmetkerleri Almaty jáne Kókshetaý qalalarynyń 26 jastaǵy turǵyndaryn anyqtap, ustady. Qazaqstan Respýblıkasynyń Memlekettik shekarasyn kesip ótý kezinde qyzmettik-izdestirý ıti jolaýshylarda esirtki zaty bar ekendigine belgi kórsetti. Tekserý barysynda olardan «gashısh», «keptirilgen marıhýana» esirtki quraldary jáne sıntetıkalyq esirtki tabylyp, tárkilendi, - dep habarlady departamentten.

Eske salaıyq, buǵan deıin Almatyda esirtki zerthanasy joı̆ylǵanyn jazǵan edik.