Almaty áýejaıynda erteń antıterrorlyq oqý-jattyǵý ótedi

ALMATY. KAZINFORM — Almatyda josparly antıterrorlyq oqý-jattyǵýlar bolady. 

Terrorızmge qarsy kúres jónindegi Almaty qalalyq jedel shtabynyń málimetinshe, 17 qazanda saǵat 08:00–den 15:00–ge deıin Maılın kóshesi, 2 mekenjaıynda ornalasqan Almaty qalasynyń halyqaralyq áýejaıy aýmaǵynda josparly antıterrorlyq oqý-jattyǵýlar ótedi. Іs-shara barysynda áýe jáne avtokólik qozǵalysyna shekteý qoıý qarastyrylmaǵan.

— Oqý-jattyǵýlardyń maqsaty — kólik ınfraqurylymy nysandarynda terrorızm aktisiniń aldyn alý jáne ony toqtatý tetikterin jetildirý. Azamattardy qaýipsizdik sharalaryn saqtaýǵa jáne memlekettik organdar qyzmetkerleriniń zańdy talaptaryn oryndaýǵa shaqyramyz. Sondaı-aq resmı aqparat kózderine súıenip, jalǵan aqparat taratpaý qajettigin eskertemiz, — dep habarlady shtabtan.

Almaty polıtsııasy ÁQbK-niń 443-babyna sáıkes, qoǵamdyq tártipti qamtamasyz etýshi adamnyń zańdy talabyna baǵynbaý ákimshilik jaýapkershilikke ákep soǵatynyn eskertti.

Eske salaıyq, buǵan deıin TMD terrorızm jáne ekstremızmmen kúresý jónindegi yntymaqtastyq baǵdarlamasyn qabyldady.