Almaty áýejaıynda barlyq ishki reıs keshikti

ALMATY. KAZINFORM - Reıster orta eseppen jarty saǵatqa keshikken.

Almaty halyqaralyq áýejaıynyń málimetinshe, búgin ishki reısterge arnalǵan kelý aımaǵynda kirýdi baqylaý júıesi qysqa merzimge isten shyǵyp, jolaýshylar ózara aralasyp ketken.

— Qaýipsizdik boıynsha bekitilgen algorıtmge sáıkes jolaýshylardy qaıta tekserý júrgizildi. Barlyq shara jedel ári uıymdasqan túrde oryndalyp, reıster kestesine eleýli áser etken joq. Ortasha keshigý ýaqyty 25 mınýttan aspady, — dep habarlady áýejaıdan.

Áýejaı qazirgi ýaqytta qalypty tártipte jumys istep jatyr.

Eske salaıyq, aldaǵy ýaqytta Almatyda avtobýstar áýejaı aýmaǵyna kiretin bolady.