Almaty áýejaıynda aýa raıyna baılanysty reıster keshigip jatyr
ALMATY. KAZINFORM - Almaty halyqaralyq áýejaıy kún raıynyń nasharlaýyna baılanysty áýejaıdyń óndiristik qyzmetteri kúsheıtilgen rejımde jumys istep jatqanyn habarlady.
Áýejaıdyń baspasóz qyzmeti jolaýshylardan reısterdiń jańarǵan statýsyn ushar aldynda áýejaı men áýe kompanııalarynyń resmı saıttarynan tekserý kerektigin eskertti.
- Barlyq qyzmetter reısterdiń keshigýin azaıtý jáne operatsııalardyń qalypty tártibin qalpyna keltirý úshin qajetti sharalardy qoldana otyryp, kúsheıtilgen rejımde jumys istep jatyr, - dep habarlady áýejaıdan.
Qazirgi ýaqytta ushý ýaqyty keshigip jatqan reıster qatarynda Tashkent, Qostanaı, Astana baǵyttary bar.
Eske salaıyq, buǵan deıin Almaty áýejaıynda túkirgen sheteldikke aıyppul salynyp, reısten túsirilgenin jazǵanbyz.