Almaty áýejaıynda 32 keliden astam esirtki tárkilendi
ASTANA. KAZINFORM — Bıyl tamyzda Almaty qalasynyń áýejaıynda UQK Shekara qyzmeti kólik prokýratýrasynyń úılestirýimen Ońtústik-Shyǵys Azııa elderinen kelgen reısterden Qazaqstanǵa asa iri mólsherde esirtki zattaryn ákelýdiń úsh áreketiniń jolyn kesti.
Sheteldik azamattardyń jol júgin tekserý barysynda kosmetıkalyq ónimderge jasyrylǵan ydystardan «marıhýana», «kannabıs shaıyry» jáne «gashısh maıy» tabyldy.
Saraptama qorytyndysyna sáıkes, tárkilengen esirtkiniń jalpy salmaǵy 32 kılogramnan asty.
Kórsetilgen faktilerge qatysty materıaldar protsestik sheshimder qabyldanýy úshin quzyretti organdarǵa tergeý baǵyty boıynsha berildi.
Aıta ketelik elimizde adamdardy esirtki bıznesine jumysqa alýdyń halyqaralyq jelisi áshkerelengen edi.
