Almaty áýejaıynda 21 kg marıhýana alyp ótpek bolǵan kúdikti ustaldy
ASTANA. KAZINFORM — 30 mamyrda UQK polıtsııa, keden organdarymen jáne Ortalyq Azııa óńirlik aqparattyq úılestirý ortalyǵymen birlesip, Almaty qalasynyń áýejaıynda esirtkini alyp ótý áreketin toqtatty. Bul týraly UQK baspasóz qyzmeti málim etti.
— Ońtústik-Shyǵys Azııanyń bir elinen kelgen shetel azamatynyń bagajyn tekserý barysynda shamamen 21 kg ósimdik zaty «marıhýana» tabylǵan. Tyıym salynǵan júk tárkilenip, kúdikti ustaldy, — delingen habarlamada.
Polıtsııa organdary bul fakti boıynsha Qylmystyq kodekstiń 286-babynyń 1-bóligi boıynsha sotqa deıingi tergeýdi bastady.
Qylmystyq-protsestik kodekstiń 201-babyna sáıkes ózge aqparat jarııa etýge jatpaıdy.
Aıta keteıik, buǵan deıin UQK shekarada 6,9 mlrd teńgeniń deklaratsııalanbaǵan valıýtasyn alyp ótpek bolǵandardy toqtatqan edi.
