Almaty áýejaıynan Úlken Almaty aınalama jolyna tikeleı jol salynady
ALMATY. KAZINFORM – Almaty qalasynyń ákimdigi men oblys ákimdigi arasynda Almaty aglomeratsııasyna qatysty jergilikti keńestiń otyrysy ótti.
Jıyn barysynda qala mańyndaǵy aýmaqtarda áleýmettik nysandar salý, ekologııalyq jaǵdaıdy jaqsartý jáne kólik baılanysyn jetildirý máseleleri qarastyryldy.
Almaty ákimdiginiń málimetinshe, kólik ınfraqurylymyn damytý jumystary aıasynda aýysyp miný toraptaryn salýǵa arnalǵan jer telimderin anyqtaý máseleleri talqylanǵan.
– Uzyndyǵy 6,4 shaqyrym bolatyn áýejaıdan Úlken Almaty avtomobıl aınalma jolyna deıingi avtojol qurylysynyń jobalyq-smetalyq qujattary ázirlenip jatyr. Jobany júzege asyrý úshin 52 jer telimin satyp alý kózdelgen, onyń 23-i oblys aýmaǵynda ornalasqan, - dep habarlady megapolıs ákimdigi.
Eske salaıyq, buǵan deıin Almatynyń 5 kóshesi Úlken Almaty aınalma jolyna deıin uzartylatynyn jazǵanbyz. Olardyń qatarynda Tilendıev, Soltústik aınalma, Saın kósheleri, sondaı-aq Rysqulov pen Abaı dańǵyldary bar.
