Almaty áýejaıyna patron ákelgen stýdentke 800 myń teńgege jýyq aıyppul salyndy
ALMATY. KAZINFORM – Almaty áýejaıynda tekseris kezinde 22 jastaǵy jolaýshydan oq-dári tabylǵan.
Kóliktegi polıtsııa departamenti bastyǵynyń orynbasary Málik Qaıbardyń aıtýynsha, áýe kemelerinde jáne poıyzdarda kastet, pyshaq, elektrshoker, oq-dári, qarý-jaraq, pırotehnıkalyq buıymdar jáne ózge de qaýipti zattardy tasymaldaýǵa qatań tyıym salynǵan. Alaıda jolaýshylar tyıym salynǵan zattardy tasymaldaýǵa tyrysatynyn jaǵdaılar kezdesedi.
- Almaty áýejaıynda 22 jastaǵy stýdentten ushý aldyndaǵy tekserý kezinde 9×18 mm kalıbrli patron tabylyp, tárkilendi. Sot sheshimimen oǵan 200 AEK (786 400 teńge) mólsherinde aıyppul salyndy, - dedi ol.
Jalpy 2025 jyldyń basynan beri departament sýyq qarýdy zańsyz alyp júrý, saqtaý jáne tasymaldaý faktileri boıynsha 496 qylmystyq is tirkelip, 133 ákimshilik quqyqbuzýshylyq anyqtaǵan.
Eske salaıyq, buǵan deıin Almaty áýejaıynda 33 telefon urlaǵan júk bóliminiń qyzmetkeri sottaldy.
