Almaty áýejaıyna kirý-shyǵý joly ýaqytsha ózgeredi
ALMATY. KAZINFORM – 17-19 shilde aralyǵynda B.Maılın kóshesiniń áýejaı men Buqtyrma kóshesi arasyndaǵy bóliginde asfalt tóseminiń jańarý jumystary júrip jatyr.
Almaty áýejaıynyń málimetinshe, osy jumystarǵa baılanysty jol júrý shemasy, sondaı-aq áýejaı aýmaǵyna kirý jáne shyǵý joldary ózgermek.
Jóndeý jumystary eki kezeńnen turady. 1 kezeń – 17 shilde saǵat 23:00-den 18 shilde saǵat 11:00-ge deıin B.Maılın kóshesi batys baǵytta Buqtyrma kóshesine deıin jóndeý jumystaryna jabylady. Jóndeý kezinde áýejaı aýmaǵynan Buqtyrma kóshesine deıingi jol qarama-qarsy jolaq boıynsha júzege asyrylady.
2 kezeń – 18 shilde saǵat 23:00-den 19 shilde saǵat 06:00-ge deıin B.Maılın kóshesi shyǵys baǵytta áýejaıǵa deıin jóndeýge jabylady. Eki jaqty qozǵalys áýejaı aýmaǵynan Buqtyrma kóshesine deıin qarama-qarsy jaqpen júzege asyrylatyn bolady.
– Atalǵan jaıttardy eskerip, áýejaıǵa jolyńyzdy aldyn ala josparlaýyńyzdy suraımyz, - dep habarlady Almaty halyqaralyq áýejaıy.
Eske salaıyq, buǵan deıin Almatydaǵy taǵy bir kóshe kúzge deıin jabylǵanyn jazǵanbyz.