Almaty áýejaıy jóndeý jumystaryna baılanysty jolaýshylarǵa eskertý jasady

ALMATY. KAZINFORM – 23 mamyrdan bastap Almaty áýejaıynyń ishki reısterge arnalǵan T1 termınaly aldyndaǵy turaq alańdaryn jańartý jáne asfalt jamylǵysyn aýystyrý jumystary bastalady. 

Áýejaı málimetinshe, jóndeý jumystary týrıstik polıtsııa ǵımaraty men pandýsqa kireberis arasyndaǵy turaq oryndaryn, sondaı-aq negizgi kireberisten pandýsqa deıingi joldy qamtıdy. 

– Jumystar kezeń-kezeńmen júrgiziledi jáne jóndeý jumystary barysynda turaq alańynyń keıbir bólikteri jabylady. Barlyq jumys maýsym aıynyń sońyna deıin aıaqtalady. Ýaqytsha qolaısyzdyqtar úshin keshirim suraımyz, - dep málimdedi Almaty halyqaralyq áýejaıy.

Eske salaıyq, buǵan deıin Almaty áýejaıynyń mańynda bir kóshe ýaqytsha jabylatynyn jazǵanbyz.