Almaty áýejaıy túrik top-menedjeriniń ustalǵanyn joqqa shyǵardy
Almaty áýejaıy túrik top-menedjeri Ýfýk Serttiń ustalǵany týraly aqparatty joqqa shyǵardy, dep habarlaıdy Kazinform.
Búgin buqaralyq aqparat quraldary men telegramm kanaldarda esirtki isine baılanysty áýejaı ákimshiligi ǵımaratynda tintý júrgizilgeni jáne túrik top-menedjerleri ustalǵany týraly aqparat paıda boldy.
«Qazir Almaty halyqaralyq áýejaıy júrgizilip jatqan tergeý aıasynda ýákiletti organdarmen birlese jumys istep jatyr. Sonymen qatar qyzmettik tekseris bastaldy. Tergeý sońynda tolyq aqparat beriledi», - dep habarlady áýejaıdan.
Sonymen qatar, áýejaıdyń baspasóz qyzmeti Ýfýk Serttiń ustalǵany týraly aqparatty joqqa shyǵardy.
