Almaty áýejaıy reıster kestesinde ózgerister bolýy múmkin ekenin habarlady
ALMATY. KAZINFORM – Almaty halyqaralyq áýejaıy Airbus kompanııasy búkil álemdik tasymaldaýshyǵa arnalǵan shuǵyl dırektıva jarııalaǵanyn habarlap, jolaýshylarǵa eskertý jasady.
Qujat Airbus áýe kemelerindegi ushaqtarda bıiktikti basqaratyn kompıýterdi jáne operatsııalyq baǵdarlamalyq jasaqtamany shuǵyl jańartýǵa mindetteıdi. Árbir ushaq bul jumysty kelesi reıske shyqpaı turyp oryndaýǵa tıis.
– Bul shara álemdik deńgeıde júzege asyrylyp jatyr. Airbus A320 áýe kemelerimen oryndalatyn reısterdiń kestesinde ózgerister bolýy múmkin. Jolaýshylarǵa óz reısine qatysty málimetti áýe kompanııalarynyń resmı saıttarynan aldyn ala tekserip otyrýdy usynamyz, - delingen habarlamada.
Almaty halyqaralyq áýejaıynyń málimetinshe, barlyq qyzmet shtattyq rejımde jumys istep tur, áýe qatynasy tolyq kólemde halyqaralyq talaptarǵa saı oryndalyp jatyr.
Eske salaıyq, buǵan deıin Air Astana reısteri ózgerip, Airbus ushaqtary kidirýi múmkin ekenin jazǵanbyz.
Keıinirek Azamattyq avıatsııa komıteti Air Astana men FlyArystan reısteri kestesiniń qashan qalpyna keletinin habarlady.