Almaty áýejaıy ıesi joq júkterdi 470 teńgege satyp jatyr – feık

  Almaty halyqaralyq áýejaıy atynan WhatsApp messendjerinde jalǵan aqparat tarap jatyr, dep habarlaıdy Kazinform.

«Almaty halyqaralyq áýejaıynda satylymdar bastaldy. Biz áýejaı qoımasyn qaraýsyz qalǵan júkten bosatamyz. Erejege sáıkes, ony kádege jaratý kerek, biraq biz qaıyrymdylyq aktsııasyn uıymdastyryp, ony jaı ǵana 470 tengege taratyp jatyrmyz», – delingen habarlamada.

Áýejaı bul aqparatty joqqa shyǵaryp, jolaýshylarǵa alaıaqtardyń isi ekenin eskertti.

«Almaty halyqaralyq áýejaıy eshqandaı aýktsıon ótkizip jatqan joq. Eger siz joǵalǵan júkter satylymy týraly jarnama kórgen bolsańyz resmı paraqshaǵa jazyńyz. Alaıaqtardan saq bolyńyzdar», – dep atap ótti áýejaıdyń baspasóz qyzmetinen.