Almaty aspanyn qalyń qara bult torlady
ALMATY. KAZINFORM – Búgin Almatyda tań sırek kezdesetin tabıǵı qubylyspen atty. Qalany qalyń qara bult birtindep búrkep, aspan aıryqsha kóriniske bólendi.
Almatylyqtar áleýmettik jelilerde bul erekshe kórinistiń vıdeosyn jarysa bólisip jatyr.
Osy kezde taý jaqta jeldiń ekpini kúsheıgen.
Keıbir úıdiń shatyryndaǵy shıferler ushyp ketken. Sonymen birge Shymbulaqqa aparatyn jolǵa shyrsha qulap, qozǵalys ýaqytsha shektelgen. Jeldiń ekpini aspaly joldy da qatty terbetip, kýágerlerdiń záresin ushyrǵan.
Bul erekshe tabıǵı qubylystyń vıdeosy men sýreti qalanyń ár aýdanynan tarap jatyr.
Turǵyndar ony ártúrli buryshtan túsirip, áleýmettik jelige jarııalaǵan.
Kópshiliktiń aıtýynsha, qalyń qara bult men daýyl qala ústin sanaýly mınýttyń ishinde tegis búrkep alǵan.
Redaktsııa bul qubylystyń mán-jaıyn naqtylaý úshin qalalyq tótenshe jaǵdaılar departamentine saýal joldady.
Eske salaıyq, buǵan deıin sınoptıkter 21 aqpan kúni búkil Qazaqstan boıynsha qar jaýyp, tuman basyp, burqasyn bolatynyn boljaǵan edi.