Almaty aryqtarynda sý tapshy ma — mınıstrlik jaýaby

ASTANA. KAZINFORM — Sý resýrstary jáne ırrıgatsııa mınıstrligi Almaty aryqtaryndaǵy sý tapshylyǵyna qatysty túsinik berdi.

Ortalyq kommýnıkatsııalar qyzmeti alańynda ótken baspasóz máslıhatynda «Almatyda aptap ystyqqa baılanysty aryqtarda sý joq. Bul sý tapshylyǵymen baılanysty ma?» — degen saýal qoıyldy.

— Iá, rasynda da, qalyptasqan aýa raıy jaǵdaıyna baılanysty birqatar óńirdegi sý qoımalarynda sý deńgeıiniń tómendeýi baıqalyp otyr. Alaıda, qazir sý barlyq sý sharýashylyǵy nysandarynyń ótinimine sáıkes jáne tutynýshylarǵa kezekpen jetkizilip jatyr. Osyǵan baılanysty keıbir ýchaskede sý deńgeıiniń tómendegen bolýy múmkin, — dep jaýap berdi Sý resýrstary jáne ırrıgatsııa mınıstrligi sý resýrstaryn paıdalanýdy retteý departamentiniń basshysy Sáken Átel.

Mınıstrlik ókiliniń málimdeýinshe, bul ýaqytsha qubylys, jaqyn arada jaǵdaı qalypqa keledi. 

— Taǵy bir aıta keterligi, aryqtardaǵy sýdyń azaıý jaǵdaıy, suranystyń artýyna baılanysty bolyp otyr, — deıdi spıker.

Sondaı-aq brıfıng barysynda nelikten Qazaqstan kórshi eldermen sý máselesin sheshe almaı otyr degen másele kóterildi. 

Aıta keteıik, aldaǵy 4-5 jylda elimizde sý sharýashylyǵy salasyna 2 myńdaı maman qajet degen boljam bar.