Almaty aportyn ulttyq brend retinde patentteý qalaı júrip jatyr

Ádilet mınıstri Azamat Esqaraev Almatynyń aportyn ulttyq brend retinde patentteý sharýasy qalaı júrip jatqanyn aıtty, dep habarlaıdy QazAqparat tilshisi.

«Zııatkerlik salada patent berýden bólek elimizdiń múddesin dúnıejúzilik deńgeıde qorǵaý baǵytynda jumys isteımiz. Onyń ishinde aport almasyn dúnıejúzilik geografııalyq kórsetkish retinde tirkeý baǵytynda eńbektenip jatyrmyz», – dedi A.Esqaraev Ortalyq kommýnkkatsııalar qyzmetinde ótken brıfıngide.

Mınıstr bul Memleket basshysynyń arnaıy tapsyrmasy ekenin eske saldy.

«Prezıdent Almatynyń aportyn ulttyq brend etý kerek ekenin aıtqan edi. Biz osy jumysty qolǵa alyp, qazir jan-jaqty alǵa qaraı jyljytyp jatyrmyz. Bıyl qaýymdastyq quryldy. Bizdiń «Qazpatent» uıymyna qaýymdastyq atynan Almaty aportyn geografııalyq kórsetkish retinde tirkeý týraly ótinish túsken. Solaısha osy patentti Qazaqstannyń atyna tirkeýge tyrysyp jatyrmyz», – dedi Azamat Esqaraev.