Almaty altyn túske boıaldy – fotoreportaj
ALMATY. KAZINFORM – Almaty kúzi erekshe. Arý qalada bul mezgil basqa maýsymdarǵa uqsamaıtyn ásemdigimen kópke belgili. Kazinform agenttiginiń fototilshisi altyn túske boıalǵan shahar saıabaqtary men gúlzarlardy aralap, sýretke túsirip qaıtty.
Kúz mezgili – tabıǵatty tamashalaýǵa, ádemi fotosýretter túsirýge arnalǵan keremet ýaqyt. Al, qala saıabaqtary – tamasha ýaqyt ótkizýge arnalǵan oryndardyń biri.
Qala turǵyndary kúzdiń sulýlyǵyn qalt jibermeýge tyrysady. Ony kóshelerde serýendep júrgen adamdardan baıqaýǵa bolady.
Jazda bul sýburqaqtar janǵa jaılylyq syılaǵandaı bolsa, kúzde boıyńdy tońdyra túsedi. Dese de sýdyń syldyraǵan dybysy mıdy tynyshtandyrady.
Jyldyń osy mezgilinde Almaty taýlarynda uzaq ýaqyt serýendep, tabıǵat aıasyna shyqqan jaqsy. Kúz aǵashtardyń japyraqtaryn jarqyn boıaýlarǵa qanyq etedi: sary, sarǵylt, qyzyl.
Aıta keteıik, bul kúnderi Almaty qalasynda túngi jáne tańǵy ýaqyttarda aýa raıy salqyn bolsa da, kúndiz aspan ashyq, kún jyly.
