Almaty álemdegi úzdik gastronomııalyq baǵyttar tizimine endi
ASTANA. KAZINFORM – Almaty qalasy Amerıkanyń Eater basylymy jarııalaǵan «Where to Eat 2026» gastronomııalyq baǵyttar reıtıngine endi, dep habarlaıdy Almaty qalasynyń ákimdigi.
Álemniń túkpir-túkpirindegi gastronomııalyq saıahat áýesqoılaryna arnalǵan jyl saıynǵy reıtıngte Almaty Ortalyq Azııadaǵy basty gastronomııalyq ortalyqtardyń biri retinde atalǵan.
Basylym avtorlarynyń pikirinshe, qalada qazaqtyń ulttyq aspazdyq dástúrleri túrli halyqtardyń ashanasymen úılesim taýyp, ulttyq taǵamdarmen qatar zamanaýı gastronomııa da qarqyndy damyp keledi.
– Almaty Ortalyq Azııadaǵy basty gastronomııalyq ortalyqtardyń birine aınaldy. Munda ulttyq aspazdyq dástúrler men álemniń túrli ashanasy úılesim taýyp, erekshe gastronomııalyq mádenıet qalyptasqan, – dep jazady Eater.
Sondaı-aq basylym Almatyda ótken alǵashqy Almaty Food Fest gastronomııalyq festıvalin, qalanyń alǵashqy gastronomııalyq gıdiniń jaryq kórýin jáne erekshe shaı ishý mádenıetin de erekshe atap ótken.
Mamandardyń pikirinshe, gastronomııa salasyndaǵy eń bedeldi halyqaralyq basylymdardyń biri sanalatyn Eater reıtıngine ený Almatynyń týrıstik tartymdylyǵyn arttyryp, qalanyń óńirdegi jetekshi gastronomııalyq ortalyq retindegi mártebesin nyǵaıta túsedi.
Aıta keteıik, Astanada túrki halyqtaryna ortaq taǵamdar jańartyldy.
