Almaty ákiminiń orynbasary Ásem Núsipova qyzmetinen ketti
ALMATY. KAZINFORM — Bul týraly Almaty qalasynyń ákimdigi habarlady.
Qala ákimdiginiń málimetine sáıkes, Ásem Núsipova 2025 jyldyń 7 tamyzynan óz erkimen Almaty qalasy ákiminiń orynbasary qyzmetinen ketti. Ol 2022 jyldyń aqpan aıynan bastap bilim berý, densaýlyq saqtaý, halyqty jumyspen qamtý jáne áleýmettik qorǵaý salalaryn qadaǵalap kelgen.
Eske salaıyq, maýsym aıynda Almaty ákimi Darhan Satybaldynyń ókimimen jáne QR Prezıdenti Ákimshiliginiń kelisimimen Almaty qalasy ákiminiń orynbasary laýazymyna Oljas Smaǵulov taǵaıyndaldy. Ol bul laýazymda Álisher Ábdirqadyrovty almastyrǵan bolatyn.
Buǵan deıin Almatyda birneshe basqarma basshylary da aýysty. 21 shildede qoǵamdyq densaýlyq saqtaý basqarmasynyń basshysy qyzmetine Marat Pashımov taǵaıyndaldy.
Onyń aldynda qalalyq josparlaý jáne ýrbanıstıka basqarmasynyń basshysy qyzmetine Almas Janbyrshy taǵaıyndaldy.
Sondaı-aq energetıka jáne sýmen qamtamasyz etý basqarmasynyń basshysy laýazymyna Nurbaqyt Serikbaı taǵaıyndaldy.