Almaty ákimdiginiń BAQ-qa arnalǵan jańa saıty iske qosyldy

ALMATY. KAZINFORM — Buqaralyq aqparat quraldary qyzmetkerlerine yńǵaıly bolý úshin Almaty ákimdigi qalanyń sońǵy jańalyqtaryn, baspasóz relızderin jáne ınfografıkalardy jarııalaıtyn jańa ınternet-resýrsty iske qosty.

Almaty ákimdiginiń baspasóz qyzmetinen atap ótkendeı, jańa ınternet-resýrs almaty.kz saıty vecher.kz atty qoldanystaǵy platforma negizinde iske qosyldy.

«Jańa ınternet-resýrsty qarjylandyrý jáne tehnıkalyq qyzmet kórsetýge kelsek, almaty.kz saıty vecher.kz atty qoldanystaǵy platforma negizinde iske qosyldy. Saıt jasaýǵa bir tıyn da jumsalǵan joq. Portalǵa Almaty ákimdigi baspasóz qyzmetiniń ókilderi jańalyq salyp, jańartyp otyrady», - delingen habarlamada.

Portalda kún saıyn qaladaǵy sońǵy jańalyqtar, baspasóz relızderi, ınfografıka jarııalanady.