Almaty ákimdiginde nelikten áıelder az — Dosaev jaýap berdi

ALMATY. KAZINFORM — Almaty ákimi Erbolat Dosaev Bostandyq aýdanynyń turǵyndarymen kezdesti.

Kezdesýde aýdan turǵyny qala basshylyǵynda qyzmet atqaratyn áıelder nelikten az ekenin surady.

— Bul turǵydan Almaty erekshe dep oılaımyn. Bizde eki aýdan ákimi áıel, esh jerde mundaı joq. Bizde áıel basqarma basshylary da bar. Meniń orynbasarym bar — Ásem Núsipova. Árıne, ázirge minsiz genderlik teńdik joq. Biraq ákimdiktegi joǵary laýazymdardy áıelder atqaryp júr. Men olarǵa er adamdarǵa qaraǵanda kóbirek senemin, óıtkeni olar senimdi, — dedi Erbolat Dosaev.

Eske salaıyq, buǵan deıin BUU basshysy áıelderdiń quqyqtaryn qorǵaý úshin áreket etýge shaqyrǵanyn jazǵanbyz.