Almaty ákimdigi jaýapsyz merdiger kompanııamen kelisimshartty buzdy
ALMATY. KAZINFORM – Almaty qalasynyń ákimdigi memlekettik mýzeı janyndaǵy skverge rekonstrýktsııalaý jumystaryn júrgizgen merdiger kompanııamen shartty birjaqty tártippen buzdy.
Almaty ákimdiginiń málimetinshe, shart 2022 jyly jasaldy, al nysan 2023 jyly tapsyrylýy tıis bolǵan. Memlekettik mýzeı janyndaǵy skverdi qaıta jańartý jumystary ýaqtyly júrgizilmegendikten, ákimdik merdiger kompanııamen shartty buzý, tapsyrys berýshini memlekettik satyp alýǵa talaptardy oryndamaıtyn qatysýshy dep taný jáne turaqsyzdyq aıybyn óndirip alý týraly sotqa talap aryz joldady.
Uzaqqa sozylǵan sot talqylaýlarynan keıin Almaty qalasynyń mamandandyrylǵan aýdanaralyq ekonomıkalyq soty ótken jyldyń qarasha aıynda «Shah «qurylys kompanııasy» JShS-in jumystardy tolyq kólemde aıaqtaýǵa mindettedi, onyń ishinde sýburqaqty jóndeýdi júktedi. Alaıda, merdiger eshqandaı shara qoldanǵan joq.
Sondyqtan Almaty qalasynyń ekologııa jáne qorshaǵan orta basqarmasy «Shah» qurylys kompanııasy» JShS-men shartty birjaqty tártippen buzdy.
«Osy jyldyń sońyna deıin sýburqaqty rekonstrýktsııalaý jónindegi jumystardy aıaqtaý úshin jańa merdigerlik uıymdy aıqyndaý boıynsha konkýrstyq qujattama daıyndalyp jatyr», - dep habarlady ákimdikten.
Atap óterlik jaıt, atalǵan kompanııa Álııa men Mánshúk skverindegi jumysty da tolyq atqarǵan joq. Ákimdik qurylys jumystaryn buzǵany úshin kompanııadan 56,1 mln teńge kóleminde turaqsyzdyq aıybyn óndirmek.
.
