Almaty ákimdigi taý bókterindegi «Orlov monshasy» qurylysy týraly aqparatty joqqa shyǵardy
ALMATY. KAZINFORM — Almaty ákimdigi Medeý jolynyń boıyndaǵy Kereı-Jánibek handar kóshesinde «Orlovskıe banı» qurylysy týraly aqparatqa qatysty pikir bildirdi.
Almatynyń Qala qurylysyn baqylaý basqarmasynyń habarlaýynsha, Medeý jolyndaǵy Kereı-Jánibek handar kóshesindegi aýmaqta qurylys-montajdaý jumystarynyń bastalǵany týraly habarlama túspegen. Nysannyń qurylysyna jobalaý aldyndaǵy qujattamany menshik ıesi (jeke tulǵa) alǵan joq.
«Vızýaldy tekserý barysynda ýchaskede qurylys júrgizilmegeni rastaldy. Al «Orlovskıe banı» jarnamasy bar banner joıyldy», - dep atap ótti ákimdikten.
Aıta keteıik, atalǵan aýmaqtaǵy salynyp bitpegen nysan Almatynyń buryn jarııalanǵan qurylysy uzaqqa sozylǵan nysandar tizimine engizilgen.
«Qurylysy toqtatylǵan nysanda zań buzýshylyqtar anyqtalǵan jáne nusqama talaptaryn elemegen jaǵdaıda sot talqylaýynan soń kezekti jospardan tys tekserý júrgiziledi», - dep atap ótti ákimdikten.
Buryn menshik ıesi usynǵan aqparatqa sáıkes, jospardan tys tekserý barysynda berilgen nusqama tolyqtaı oryndalmaǵan.
