Almaty ákimdigi Saıran kólindegi jumystardy keshiktirgen merdigerdi sotqa berdi

ALMATY. KAZINFORM – Almatyda Saıran kóliniń jaǵalaýyn abattandyrý jumystary áli de aıaqtalǵan joq. 

Osyǵan baılanysty Almaty qalasynyń qoǵamdyq keńistikterdi damytý basqarmasy Saıran kólin abattandyrý jobasynyń bas merdigeri – «Pavlodarskıı rechnoı port» AQ qatysty sotqa talap aryz túsirdi. 

– Búgingi tańda shart boıynsha mindetterdiń ýaqtyly ári sapaly oryndalmaýyna baılanysty qoǵamdyq keńistikterdi damytý basqarmasy «Pavlodarskıı rechnoı port» aktsıonerlik qoǵamyn memlekettik satyp alýdyń josyqsyz qatysýshysy dep taný týraly sotqa talap aryz berdi, - dep málimdedi qala ákimdigi. 

Buǵan deıin Saıran kóliniń jaǵalaýyn abattandyrý jumystary mamyrda aıaqtalatyny aıtylǵan edi. 

Abattandyrý jumystary aıaqtalmasa da, 2 maýsymnan bastap Saıran kóline sý toltyryla bastady. 

Keıin Almaty ákimi merdigerge eskertý jasady. 

Eske salaıyq, 2023 jyly Saıran sý qoımasynyń túbi 50 jylda alǵash ret tazartyldy. Mehanıkalyq tazalaý nátıjelerine 142 myń tekshe metr laı jáne 23 tonna turmystyq qoqys shyǵaryldy.