Almaty ákimdigi Mıhaıl Shaıdorovqa 2,5 mln teńgeniń sertıfıkatyn tabystady
ALMATY. KAZINFORM — Mánerlep syrǵanaýshy Mıhaıl Shaıdorov AQSh-ta ótken álem chempıonatynda kúmis júlde jeńip, 2026 jylǵy Olımpıadaǵa joldama aldy.
Elge oralǵan sporshyny Almaty ákiminiń orynbasary Beıbit Shahanov quttyqtap, kezdesý barysynda qala basshylyǵy atynan 2,5 mıllıon teńge kóleminde qarjylaı sertıfıkat tabystady. Óz kezeginde Mıhaıl Shaıdorov kórsetilgen qoldaý úshin alǵys bildirdi.
— Men qala ákimdigine, almatylyqtarǵa qoldaý kórsetkeni úshin óte rızamyn. Bul meni shabyttandyryp, ári qaraı jetistikke jetýge kúsh beredi. Bul meniń ǵana emes, búkil eldiń jeńisi, maǵan senip, osy jolda kómektesken kópshiliktiń eńbeginiń nátıjesi, — dedi Mıhaıl Shaıdorov.
Sondaı-aq sportshyǵa demeýshiler qarajaty esebinen Almatydan 2 bólmeli páter syıǵa tartyldy.
Eske salaıyq, buǵan deıin mánerlep syrǵanaýshy Mıhaıl Shaıdorov álem chempıonatynyń kúmis júldesin jeńip alǵanyn jazǵanbyz.