Almaty ákimdigi krematorıı qurylysyn júrgizgen merdigerden 2,7 mln teńge qaıtaryp aldy

ALMATY. KAZINFORM – Almaty ákimdigi krematorıı qurylysyn belgilengen merzimde jáne tolyq aıaqtamaǵany úshin merdiger kompanııadan sot arqyly 2,7 mln teńge óndirip aldy.

Almaty kurylys basqarmasynan málim etkendeı, merdiger jumysty belgilengen merzimde aıaqtaǵan joq. Shartta kórsetilgen talaptar oryndalmady.

– Sot sheshimimen «TarazKurylysInvest» JShS memlekettik satyp alýdyń jaýapsyz qatysýshysy dep tanylyp, jergilikti bıýdjetke 2 775 414,62 teńge qaıtaryldy,- dep jaýap berdi basqarmadan Kazinform agenttiginiń resmı saýalyna.

Qazir nysandy paıdalanýǵa berý aktisine barlyq komıssııa múshesi qol qoıdy. Endi tirkeýden ótý úshin sáýlet jene ádilet organdaryna baǵyttalatyn bolady.

– Ary qaraı nysan kommýnaldyq menshik balansyna beriletinin habarlaımyz, – dep atap ótti vedomstvodan.

Aıta keteıik, ǵımarattaǵy qurylys-montaj jumystary 2021 jyldyń jeltoqsan aıynda aıaqtalǵan bolatyn.

Syrtqy ınjenerlik jelilerdi, onyń ishinde ornatylǵan peshterdi paıdalaný úshin gazben jabdyqtaý jelisin tartý jumystary 2022 jyldyń mamyrynda qosý kózdelgen edi. 

Eske salaıyq, 2020 jyldyń jazynda krematorıı qurylysynyń jobalyq-smetalyq qujattaryn jasaýǵa tender jarııalanǵan bolatyn.