Almaty ákimdigi avtobýs reısteri nelikten qysqartylǵanyn túsindirdi
ALMATY. KAZINFORM – Almatyda jolaýshylar aǵynyn eskere otyryp, avtobýstardyń qozǵalys kestesi túzetildi. Bul týraly Jol qozǵalysy jáne jolaýshylar kóligin uıymdastyrý basqarmasy habarlady.
Vedomstvo málimetinshe, tańerteń jolaýshylar avtobýsqa syımaı jatsa, kúndiz qoǵamdyq kólik jartylaı bos júredi. Sondyqtan qalada avtobýstardyń jumys kestesi ózgertilgen. Atap aıtqanda, kúndiz jolaýshylar azaıǵan kezde avtobýstar sany qysqartyldy. Al tańerteńgi jáne keshki qarbalas ýaqytta avtobýstardyń júrý jıiligin arttyrý josparlanyp otyr. Qajet bolǵan jaǵdaıda jolaýshylar kóp jınalatyn baǵyttarǵa qosymsha avtobýstar shyǵarylady.
- Tasymaldaýshylardyń málimetinshe, qarbalas ýaqytta jolaýshylardyń 30%-dan astamy jolaqysyn tólemeıdi. Bul jolaýshylar aǵynyn esepke alýǵa jáne reısterdi josparlaýǵa da áser etedi. Qazir Almatyda jelige kún saıyn 3 238 qoǵamdyq kólik shyǵady. Basty maqsat — avtobýstardyń eń qajetti sátte kóp bolýyn qamtamasyz etý, - dep túsindirdi basqarmadan.
Eske salaıyq, buǵan deıin Almatylyqtar arasynda avtobýstarǵa qatysty suraq pen shaǵym jıilegenin jazǵanbyz.
