Almaty ákimi Damubala jetkizýshilerimen kelisimshartty qaıta jasaý sebepterin túsindirdi
ALMATY. KAZINFORM – Oferta shartyna sáıkes, kelisimsharttar jyl saıyn qaıta jasalady. Bul ózgeris vaýcherlerdi ádil bólýge, úderistiń ashyqtyǵyn arttyrýǵa jáne jetkizýshilerdiń jaýapkershiligin kúsheıtýge baǵyttalǵan. Bul týraly Erbolat Dosaev málim etti.
Almaty ákimi Erbolat Dosaevtyń Áýezov aýdanynyń turǵyndarymen kezdesýinde «Damubala» baǵdarlamasy boıynsha qyzmet kórsetýshiler usynys kelisimderin buzý jáne tólemderdi keshiktirý máselesin kóterdi.
Aıtýynsha, ótinishterdi tirkeý 15-21 qańtar aralyǵynda júrgizildi. Balalarǵa arnalǵan vaýcher 4 aqpanǵa deıin bólindi. Alaıda, keıbir vaýcherler rastalmaǵan.
– «Damubala» baǵdarlamasyna qatysty máseleler meniń jeke baqylaýymda. Sport sektsııalaryna jetekshilik etetin eki orynbasarym apta saıyn ár aýdandaǵy jaǵdaı týraly esep beredi. Men protsesti jeke ózim qaıta bastadym, — dedi Erbolat Dosaev.
Ákim vaýcherlerdi bólý tártibin qaıta qaraý sebebin qyzmet kórsetýshiler arasynda zańbuzýshylyqtardyń anyqtalýymen túsindirdi.
– Másele qyzmet kórsetýshilerde boldy. Mindetine salǵyrt qaraǵan jetkizýshiler tizimnen shyǵarylady.Almaty qalasynyń Qoǵamdyq keńesimen birlesip, qyzmet kórsetýshilerdiń jumysyna monıtorıng júrgizildi. Alaıda zańdy buzǵan keıbir kásipkerler aty-jónin ózgertip qaıta ótinish bergen. Ashyqtyq pen tártipti qamtamasyz etý úshin biz vaýcherlerdi bólý tártibin qaıta qaraý kerek dep sheshtik,– dedi ol.
Osyǵan deıin 2025 jyldan bastap Almatyda «Damubala» baǵdarlamasynyń mehanızmine keıbir ózgerister engiziletini týraly jazǵan edik.
Atap aıtqanda, memlekettik shyǵarmashylyq jáne sporttyq tapsyrystardy ornalastyrý jáne qarjylandyrý fýnktsııalary Almaty qalasynyń aýdandyq ákimdikterine tapsyryldy.
Árbir sport jáne mádenıet baǵyttary boıynsha memlekettik tapsyrystardy júzege asyrý úshin Almaty qalasynyń 8 aýdandyq ákimdigine eseptik jazbalar quryldy.
Almaty máslıhaty 2025 jylǵa arnalǵan shyǵarmashylyq úıirmeler men sporttyq sektsııalardy qarjylandyrýǵa 15,1 mlrd teńge bóldi.