Almaty ákimi birneshe eldiń konsýlymen ınvestıtsııa tartý máselesin talqylady
ALMATY. KAZINFORM – Almaty ákimi Erbolat Dosaev Qazaqstandaǵy shetel memleketteriniń bas jáne qurmetti konsýldarymen bıznes-jobalarǵa ınvestıtsııalar tartý máselelerin talqylandy.
Qala basshysy Almaty – Qazaqstannyń mádenı, ǵylymı, iskerlik jáne qarjy ortalyǵy, onyń úlesine ekonomıkanyń besten bir bóligi jáne QR bıýdjetiniń barlyq kiristeriniń tórtten birinen astamy tıesili ekenin atap ótti, sondaı-aq kezdesýge qatysýshylardy iskerlik áriptestikti keńeıtý máselelerinde jan-jaqty ózara is-qımylǵa shaqyrdy.
Qala «Almatynyń 2025 jylǵa deıingi damý baǵdarlamasy jáne 2030 jylǵa deıingi orta merzimdi perspektıvalar» aıasynda aýqymdy, ınfraqurylymdyq jáne ekologııalyq jobalardy iske asyrýda ınvestorlarmen yntymaqtastyq úshin ashyq.
Erbolat Dosaev qonaqtarǵa júrdek qoǵamdyq kólik júıesin qurý jáne iri ınnovatsııalyq óndirister damyǵan Almatydaǵy ındýstrıaldy aımaqtyń aýmaǵyn 40% - ǵa keńeıtý josparlary týraly aıtyp berdi.
«Turaqty ekonomıkalyq ósýdi qamtamasyz etý úshin ekonomıkanyń basym salalarynda (óńdeý ónerkásibi, týrızm, IT jáne kreatıvti ındýstrııalar) eńbek ónimdiligi joǵary jumys oryndaryn qurýǵa basa nazar aýdarylatyn bolady. «Smart Sıtıdi» qurý konteksinde aýa sapasyn jaqsartý jáne qaladaǵy lastaný deńgeıin tómendetý jónindegi «jasyl» jobalar men bastamalardy, tsıfrlyq jobalardy iske asyrýǵa, sondaı-aq densaýlyq saqtaý jáne bilim berý obektilerin salý men zamanaýı jabdyqtarmen jaraqtandyrýǵa erekshe nazar aýdarylatyn bolady», - dedi shahar basshysy.
Investorlardy qoldaý úshin osy jyldyń maýsym aıynda «Almaty Business Development Center» qalalyq front-ofısi ashylady, onda konsýltatsııalyq qyzmetter «bir tereze» qaǵıdaty boıynsha usynylady. Budan basqa, Almatyda turaqty damý standarttaryna saı keletin ınfraqurylymdyq jáne ekologııalyq jobalardy qarjylandyrý úshin jasyl oblıgatsııalar shyǵarýdyń erekshe múmkindigi bar.
Kezdesýde Qazaqstan Respýblıkasy Syrtqy ister mınıstrliginiń Almaty qalasyndaǵy ókildigi basshysynyń mindetin ýaqytsha atqarýshy Islambek Raımov, QHR, Iran, Túrkııa, Frantsııanyń bas konsýldary, «Qurmetti konsýldar qoǵamy» respýblıkalyq qoǵamdyq birlestiginiń basqarma tóraǵasy Denıs Van den Veıh, sondaı-aq Nıderlandy, Slovenııa, Chehııa, Shvetsııanyń Qurmetti konsýldary quttyqtaý sóz sóıledi.
Keńeske qatysýshylar Almatynyń sońǵy jyldardaǵy ekonomıkalyq damý qarqynynyń serpindiligin jáne saýda-ekonomıkalyq, mádenı-gýmanıtarlyq baılanystardy keńeıtýdegi joǵary áleýetin atap ótti. Kezdesý qorytyndysy boıynsha taraptar odan ári ózara is-qımyl jasaýǵa jáne dostyq qarym-qatynastardy damytýǵa daıyn ekendikterin bildirdi.
