Almaty ákimi Bazis-A kompanııasynan mektep qurylysyn tezdetýdi talap etti
ALMATY. KAZINFORM – Darhan Satybaldy merdiger kompanııaǵa «Keleshek mektepteri» mektebiniń qurylysyn osy jyldyń tamyz aıyna deıin aıaqtaýdy tapsyrdy.
Medeý aýdanynda «Jaıly mektep» jobasy aıasynda 2 000 oqýshyǵa arnalǵan bilim mekemesiniń qurylysy júrip jatyr. Mektep jobasynda úsh qabatty oqý ǵımaraty, jertólede ornalasatyn ashana, akt zaly, jeke avtoturaq pen sport alańy qarastyrylǵan.
Qala ákimi merdiger kompanııaǵa qurylys jumystaryn osy jyldyń tamyzyna deıin tolyq aıaqtap, jańa oqý jylynda oqýshylardyń sabaqty jańa mektepte bastaýyn qamtamasyz etýdi tapsyrdy.
– Aleksandr ıAkýbovıch, qyrkúıekte oqýshylar munda oqýy kerek. Kelistik pe? Biz ózińizge sendik, bizdi jerge qaratpańyz. Siz Almaty boıynsha toǵyz mektep aldyńyz - qıyndyqtar bar. Olardy tapsyryńyz. Óıtkeni bul balalarǵa qatysty másele, bul bıýdjet aqshasy, - dedi ákim seriktestik basshysy Aleksandr Belovıchke.
Eske salaıyq, buǵan deıin Ǵanı Beısembaev jaıly mektepterdi «Keleshek mektepteri» dep ataýdy usynǵan bolatyn.
Qala basshysy «Taza Qazaqstan» respýblıkalyq baǵdarlamasy aıasynda qalany abattandyrý jumystaryn tikeleı óz baqylaýyna alatynyn atap ótti.
– Ár azamat mundaı iske jaýapkershilikpen qaraýy tıis. Qazir kóptegen kafe, meıramhana, dúken ıeleri aınalasyn tazalaýǵa kelgende bul isti ákimdikke silteıdi. Alaıda, tazalyq bárimizge ortaq mindet ekenin eskerip, bul jumysqa bári birdeı atsalysýy qajet, - dedi Darhan Satybaldy.
Buǵan deıin Almaty ákimi renovatsııa baǵdarlamasyn synǵan bolatyn.