Almaty-3 temirjol vokzalynyń qurylysyna 52 jer telimi alynady

ALMATY. KAZINFORM — Almatyda aldaǵy ýaqytta Almaty-3 temirjol vokzalynyń qurylysy bastalady.

Almaty qalasy ákimdiginiń 2026 jylǵy 2 naýryzdaǵy № 1/1-257 qaýlysyna sáıkes, Boraldaı-Aqseńgir aralyǵynda Almaty-3 vokzalyn salý úshin Alataý aýdanynda ornalasqan 52 jer ýchaskesin memleket muqtajyna alynady. Májbúrlep ıelikten shyǵarý merzimi 2028 jyldyń 31 jeltoqsanyna deıin belgilengen.

Almaty qalasy Jer qatynastary basqarmasy zańnamamen belgilengen tártipte menshik ıelerine jer ýchaskesiniń ótemaqysyn tóleıdi. Jer ýchaskeleri satyp alynǵannan keıin Almaty qalasy jol ınfraqurylymyn damytý basqarmasynyń teńgerimine beriledi.

Eske salaıyq, byltyr Boraldaı — Aqseńgir aralyǵynda jolaýshy jáne júk qozǵalysyn qamtamasyz etý úshin Almaty-3 vokzalyn salý jónindegi tehnıkalyq-ekonomıkalyq negizdeme ázirlenip jatqanyn jazǵanbyz. Qala ákimdiginiń málimetinshe, Almaty-3 vokzalynyń qurylysy megapolıstiń kólik ınfraqurylymyn damytýdaǵy mańyzdy qadam bolmaq. Boljam boıynsha jańa vokzaldan qatynaıtyn jolaýshylar sany 2040 jylǵa qaraı 1,97 mln adamǵa deıin ósedi. Budan bólek júk aınalymy 2030 jylǵa qaraı jylyna 620 myń tonnaǵa jetýi múmkin.

Sondaı-aq Almaty-1 temirjol vokzalynda qaıta jańǵyrtý jumystary júrip jatqany habarlaǵandy. Kólik mınıstrligi jóndeý jumystarynan keıin vokzaldyń qandaı bolatynyn kórsetti.