Almaty-2 vokzalyna «tarıh poıyzy» keledi

ALMATY. KAZINFORM — 9 mamyr kúni Uly Jeńistiń 80 jyldyǵyna arnalǵan is-sharalar aıasynda Almaty-2 vokzalynyń perronynda saǵat 11:00–den 15:00–ge deıin «tarıh poıyzyn» saltanatty qarsy alý rásimi ótedi.

Uıymdastyrýshylardyń málimetinshe, bul poıyz sonaý soǵys jyldaryndaǵy maıdanger batyrlardy qalaı shyǵaryp salyp, qalaı qarsy alǵanyn eske túsirýge múmkindik beredi. Bul shara ardagerlerdi, oqýshylardy, kadetterdi, qoǵam belsendilerin jáne el erligin júreginde saqtaǵan barlyq azamatty biriktiredi.

Qonaqtardy mazmundy kontserttik-teatrlandyrylǵan baǵdarlama kútip tur. Onda soǵys jyldarynyń ánderi shyrqalady, oqýshylar maıdannan kelgen hattardy oqıdy, akterler sol kezdiń shynaıy oqıǵalaryn baıandaıdy.

Іs-sharanyń sharyqtaý shegi — sol kezeńniń rýhy men kóńil-kúıin jetkizetin horeografııalyq qoıylym bolmaq.

— Іs-shara sońynda barlyǵy birigip «Jeńis kúni» ánin oryndaıdy. Bul ótkenge degen taǵzym men birliktiń belgisi, — dep habarlady is-shara uıymdastyrýshylary.

Eske salaıyq, buǵan deıin Almatyda mereke men demalys kúnderi qaıda barýǵa bolatynyn jazǵanbyz.