«Almaty-1» vokzalyn jańǵyrtý tym uzaqqa sozylyp ketti — Oljas Bektenov

ASTANA. KAZINFORM — Premer-mınıstr Oljas Bektenov Úkimet otyrysynda «Almaty-1» vokzalyn jańǵyrtý jumystary tym uzaqqa sozylyp ketkenin nazar aýdardy. 

— Bıyl temirjol vokzaldaryn jańǵyrtý jáne kúrdeli jóndeý jumystary bastaldy. Qysqa merzimde merdigerler aıqyndaldy. Olarǵa da, ákimdikterge de qolaıly sharttar jasaldy. Úkimet osy mindettiń ýaqtyly oryndalýy úshin qajetti sharalardyń barlyǵyn qabyldady. Alaıda keıbir ákimdikterdiń qurylys barysyna baqylaýdy bosańsytyp alǵanyn kórip otyrmyz, — dep bastady Premer mınıstr.

Aıtýynsha, Aqmola, Jetisý, Aqtóbe, Abaı jáne Ulytaý oblystarynda atalǵan jobalar merziminen keshigýi múmkin.

— Mańǵystaý oblysynda bir vokzalda jumystar kesteden keshigip jatyr. Almaty qalasynda «Almaty-1» vokzalyn jańǵyrtý jumystary tym sozylyp ketti. Muny ákimdikterdiń jumysyndaǵy olqylyq dep sanaımyn.

Barlyq qurylys jumysy sapa talaptaryn saqtaı otyryp, belgilengen merzimde aıaqtalýǵa tıis.

Tapsyrmanyń oryndalýyna jergilikti atqarýshy organdardyń birinshi basshylary tikeleı jaýapty bolady, — dedi Oljas Bektenov.

Aıta keteıik, búgin Úkimet halyqty dári-dármekpen qamtamasyz etý jaıyn talqylap jatyr.