Almaty-1 temirjol vokzalynyń janynda jańa Arbat ashylady
ALMATY. KAZINFORM – Almaty-1 temirjol vokzaly mańyndaǵy aýmaq abattandyrylady. Jańartý jumysy «Halyq qatysatyn bıýdjet» baǵdarlamasy aıasynda júzege asyrylmaq.
Túrksib aýdanynyń ákimi Baqytjan Aqjarov vokzal aldynan bastalatyn Seıfýllın dańǵylynyń boıynda gazon, aǵash pen buta egý jumystary júrgizilgenin jáne avtomattandyrylǵan sýarý júıesi ornatylǵanyn atap ótti. Sonymen qatar oryndyqtar, qoqys jáshikteri, dekoratıvtik elementter boıalyp, jańartylǵan.
- Birneshe aı buryn bul jerdiń jabynyn aýystyrýdy bastadyq, sebebi kúıi ketip qalǵan bolatyn, turǵyndardan da shaǵym boldy. Biz jabyndy aýystyryp, sýarý júıesin ornatyp, kógaldandyryp shyqtyq. Jalpy bul jumysty Almaty-1 vokzaly mańyndaǵy barlyq aýmaqpen qabattastyryp júrgizip jatyrmyz. ıAǵnı, vokzalǵa irgeles kósheniń bári abattandyrylyp jatyr, - dedi ol.
Sonymen qatar Baqytjan Aqjarov osy aýdan bóliginde jeke rekreatsııalyq aımaq salynyp, jaıaý júrginshilerge arnalǵan kóshe jasalyp jatqanyn aıtty.
- Kýngýrskıı kóshesi qaraýsyz qalǵan. Bul jerge kóbine taksıster kóligin qoıyp ketetin. Qazir ony jaıaý júrginshilerge arnalǵan kóshe qylyp, aýdandaǵy shaǵyn Arbat jasaýdy kózdep otyrmyz, – dedi aýdan ákimi.
Jalpy 2025 jyly «Halyq qatysatyn bıýdjet» baǵdarlamasy aıasynda Túrksib aýdany turǵyndarynan 625 usynys kelip túsken. Daýys berý nátıjesinde somasy 2 mıllıard teńge bolatyn 32 joba tańdap alyndy. Onyń ishinde 10 jaıaý júrginshiler aımaǵy, 8 balalar jáne sport alańshasy, 5 avtomatty sýarý júıesi, 4 kóshe jaryqtandyrý jobasy jáne ózge baǵyttar boıynsha 5 bastama bar. Barlyq jumysty 2025 jyldyń qazanyna deıin aıaqtaý josparlanǵan.
Eske salaıyq, buǵan deıin Almatydaǵy temirjol vokzaldary QTJ-nyń senimgerlik basqarýyna beriletinin jazǵanbyz.