Almaty-1 temirjol vokzalynyń seısmıkalyq tózimdiligi kúsheıtilip jatyr

ASTANA. KAZINFORM – Kólik mınıstrligi Temirjol jáne sý kóligi komıtetiniń tóraǵasy Nurjan Kelbýǵanov Almaty-1 temirjol vokzalynyń qaıta jańǵyrtý jumystarynyń barysymen tanysty.

Kóshpeli keńeske merdiger uıymnyń, Qazaqstan temir joly UK» AQ-nyń, tehnıkalyq qadaǵalaý qyzmetiniń jáne qala ákimdiginiń ókilderi qatysty.

Qurylys-montaj jumystary bekitilgen kestege sáıkes júrgizilip jatyr. Joba aıasynda vokzal ǵımaraty men keshenniń búkil ınfraqurylymyn keshendi jańǵyrtý kózdelgen. Injenerlik jeliler jańartylyp, zamanaýı energııamen jabdyqtaý, jeldetý, tsıfrlyq baqylaý jáne qaýipsizdik júıeleri engizilýde.

- Jobanyń negizgi basymdyǵy – nysannyń seısmıkalyq tózimdiligin arttyrý. Tirek konstrýktsııalary kúsheıtilip, ǵımarat óńirdiń seısmıkalyq erekshelikterin eskere otyryp, qoldanystaǵy qurylys normalaryna sáıkestendirilýde, - delingen aqparatta.

Sonymen qatar órt qaýipsizdigi jáne beınebaqylaý júıeleri jańartylyp jatyr.

Qaıta jańǵyrtý nátıjesinde vokzaldyń ótkizý qabileti artyp, jolaýshylarǵa qyzmet kórsetý sapasy jaqsarady jáne tolyqqandy kedergisiz orta qalyptastyrylady. Jańartylǵan nysan qaýipsiz, tehnologııalyq ári jaıly bolmaq.

Qaıta jańǵyrtý jumystaryn aǵymdaǵy jyldyń sońyna deıin aıaqtaý josparlanyp otyr.

Aıta keteıik, vokzaldarda múgedektigi bar jolaýshylarǵa arnalǵan jańa súıemeldeý qyzmeti iske qosyldy.