Almataý týrbazasyna kiretin jol jabyldy

ALMATY.  KAZINFORM – Búgin Almatyda aýa raıynyń buzylýyna baılanysty saǵat 20:30–da  «Almataý týrbazasyna kireberis» avtojoly jabyldy. Bul týraly QazAvtoJol málim etti.

— Almaty oblysynda kólik qozǵalysyna shekteý qoıý týraly 2025 jylǵy 9 naýryz saǵat 20:30–da aýa raıynyń buzylýyna baılanysty «Almataý týrbazasyna kireberis» avtojolynyń 0-15 shaqyrym aralyǵyndaǵy ýchaskecinde (Tuzdybastaý aýyly — Besqaınar aýyly) kóliktiń barlyq túriniń qozǵalysyna shekteý qoıylady, — delingen habarlamada.

Joldy 2025 jylǵy 10 naýryz saǵat 12:00–de ashý josparlanǵan.

Sondaı-aq, Abaı oblysynda «Óskemen-Semeı» avtojolynyń 103-198 shaqyrym aralyǵy (ShQO shekarasy – Semeı qalasy), Shyǵys Qazaqstan oblysy «Óskemen-Semeı» avtojolynyń 10-103 shaqyrym aralyǵy (Gerasımovka aýyly – Abaı oblysynyń shekarasy) jabyldy. 

Buǵan deıin habarlanǵandaı, Almatydaǵy aýa raıyna baılanysty reıster keshiktirilip jatyr.