Almat Kebispaev álem chempıonatynyń jartylaı fınalynda jeńilip qaldy
OSLO. QazAqparat - Oslodaǵy álem chempıonatynda grek-rım kúresinen 67 kelige deıingi salmaq dárejesinde jartylaı fınal kezdesýi aıaqtaldy, dep habarlaıdy QazAqparat Olympic.kz resýrsyna silteme jasap.
Osy salmaqta el namysyn qorǵaǵan Almat Kebispaev reseılik qarsylasy, Eýropa chempıonatynyń kúmis júldegeri Nazır Abdýllaevqa ese jiberdi.
Tartysty beldesýde Almat 5:10 esebimen utylǵan. Osylaısha, Almat týrnırdiń qola júldesine talasý múmkindigin alyp otyr.
Almat Kebispaev - álem chempıonatynyń tórt dúrkin júldegeri.
Sońǵy ret ol 2019 jyly Nur-Sultanda ótken álem chempıonatynda 63 keli salmaq dárejesinde qola medal jeńip alǵan bolatyn.
Sondaı-aq, Almat Kebispaev - 2012 jylǵy London jáne 2016 jylǵy Rıo Olımpıadalarynyń qatysýshysy.
