Almat Ermanov Qostanaı oblystyq sotynyń tóraǵasy bolyp taǵaıyndaldy

QOSTANAI. KAZINFORM – Joǵarǵy Sot Tóraǵasy Aslambek Merǵalıev Qostanaı oblysynyń sot korpýsyna oblystyq sottyń jańa tóraǵasy Almat Ermanovty tanystyrdy. Bul týraly QR Joǵarǵy soty málim etti. 

Іs-sharaǵa oblys ákimi Qumar Aqsaqalov, oblystyń sýdıalary, sot júıesiniń ardagerleri, quqyq qorǵaý organdarynyń basshylary, Sot ákimshiligi departamentiniń ókilderi qatysty.

A.Merǵalıev óz sózinde A.Ermanovtyń Qostanaı oblystyq sotynyń azamattyq ister jónindegi sot alqasynyń tóraǵasy qyzmetin atqarǵan bes jyldaǵy qyzmetin, sondaı-aq onyń birinshi satydaǵy sottarda sot tóreligin júzege asyrýdaǵy, onyń ishinde ekonomıkalyq sotta kúrdeli daýlardy qaraýdaǵy 13 jyldyq tájirıbesin atap ótti.

Joǵarǵy Sot Tóraǵasy A.Ermanovtyń sot júıesin damytýǵa, zań ústemdigi men ádilettilikti qamtamasyz etýge, sondaı-aq qoǵamnyń sotqa degen senim deńgeıin arttyrýǵa eleýli úles qosatynyna senim bildirdi.

Almat Nurmuratuly Ermanov 1972 jyly Qyzylorda oblysynda dúnıege kelgen.

1997 jyly Qorqyt Ata atyndaǵy Qazaq memlekettik zań ýnıversıtetin bitirgen.

1997-2000 jyldary Memlekettik tergeý komıtetiniń Qyzylorda oblysy boıynsha tergeýshisi, Ulttyq qaýipsizdik komıteti departamentinde qyzmet etken;

2000-2008 jyldary — Qyzylorda oblysynyń Qarmaqshy aýdandyq sotynyń, mamandandyrylǵan aýdanaralyq ekonomıkalyq sotynyń sýdıasy;

2008–2020 jyldary — Qyzylorda oblystyq sotynyń sýdıasy, Atyraý qalalyq sotynyń tóraǵasy;

2020 jyldan bastap osy ýaqytqa deıin Qostanaı oblystyq sotynyń azamattyq ister jónindegi sot alqasynyń tóraǵasy.

Eske sala keteıik, buǵan deıin Azat Іzbasarov BQO sotynyń tóraǵasy qyzmetine taǵaıyndaldy.