Almasadam Sátqalıev óz mınıstrliginiń 1 mln teńgege kreslo satyp alýyna pikir bildirdi
ASTANA. QazAqparat –Úkimet kýlýarynda Energetıka mınıstri Almasadam Sátqalıev vedomstvonyń 1 mln teńgege kreslo satyp alýyna pikir bildirdi, dep habarlaıdy QazAqparat tilshisi.
«Sizdiń mınıstrlik mln teńgege kreslo satyp alǵany týraly aqparat shyqty. Málimetti naqtylap aıtyp bere alasyz ba?» dep surady jýrnalıst.
Mınıstrdiń aıtýynsha, bul - josparlanǵan satyp alý sharasy.
«Men bul jerde qandaı sensatsııa bar ekenin bilmeımin. 1 mln teńgege oryndyǵy qırap bitken qyzmetkerlerge 15 kreslo satyp alynǵan. Sol eskirgen oryndyqtardy aýystyrdyq», - dedi Almasadam Sátqalıev.
Sondaı-aq, ol satyp alynǵan ár kresloǵa 75 myń teńge tólengenin aıtty.
«Bul josparly shara bolatyn. Qyzmetkerlerimniń qosymsha berip jatqan málimeti boıynsha 9 jyl boıy paıdalanylǵan kreslolardy jańaladyq», - dedi mınıstr.
