Almasadam Sátqalıev Atom energııasy jónindegi agenttiginiń tóraǵasy bolyp taǵaıyndaldy
ASTANA. KAZINFORM – Almasadam Sátqalıev Qazaqstan Respýblıkasy Atom energııasy jónindegi agenttiginiń tóraǵasy bolyp taǵaıyndaldy. Bul týraly Aqordanyń baspasóz qyzmeti habarlady.
— Memleket basshysynyń Jarlyǵymen Almasadam Maıdanuly Sátqalıev Qazaqstan Respýblıkasy Atom energııasy jónindegi agenttiginiń tóraǵasy bolyp taǵaıyndaldy, ol burynǵy atqarǵan laýazymynan bosatyldy, — delingen habarlamada.
Sátqalıev Almasadam Maıdanuly 1970 jylǵy 31 qazanda Almaty qalasynda dúnıege kelgen.
Bilimi:
Ál-Farabı atyndaǵy Qazaq Memlekettik Ýnıversıteti. (1992 j.). Mamandyǵy-Mehanıka
Reseı Federatsııasynyń Prezıdenti janyndaǵy Reseı halyq sharýashylyǵy jáne memlekettik qyzmet akademııasy (2013 j.), ekonomıka magıstri
Nazarbaev Ýnıversıteti, Joǵary bıznes mektebi (2015 j.), Basqarýshy kadrlar úshin iskerlik ákimshilendirý magıstri
Stenford Ýnıversıteti, Joǵary bıznes mektebi (2016 j.), Basqarýshy kadrlar baǵdarlamasy
Mansap
1992 – 1997 jj. - «TaSSaT» JShS dırektory
1997 – 2001 jj. - «Qaztransoıl» JAQ Jobalardy basqarý departamentiniń bastyǵy
2001 – 2006 jj. - «KEGOC» AQ birinshi vıtse-prezıdenti
2006 – 2007 jj. - «Samuryq» AQ elektr energetıkalyq aktıvterdi basqarý jónindegi dırektory
2007 j. - QR Energetıka jáne mıneraldyq resýrstar mınıstrliginiń vıtse-mınıstri
2007 – 2011 jj. - «KEGOC» AQ basqarma tóraǵasy
2011 – 2012 jj. - «Samuryq-Qazyna» AQ basqarýshy dırektory
2012 – 2018 jj. - «Samuryq-Energo» AQ basqarma tóraǵasy
2018 j. - «KAZENERGY» ZTB tóraǵasynyń orynbasary
2018 – 2021 jj. - «Samuryq-Qazyna» AQ aktıvterdi basqarý jónindegi Basqarýshy dırektory
2021 – 2023 jj. - AQ «Samuryq-Qazyna» basqarmasynyń tóraǵasy
2023 jylǵy 4 sáýirde Qazaqstan Respýblıkasy Prezıdentiniń Jarlyǵymen Qazaqstan Respýblıkasynyń Energetıka mınıstri bolyp taǵaıyndalǵan edi.
Aıta ketelik búgin Prezıdent Atom energııasy jónindegi agenttik qurý jóninde jarlyqqa qol qoıǵan edi.