Atom energııasy agenttiginiń tóraǵasy AQSh elshisimen ne týraly sóılesti
ASTANA. KAZINFORM - Qazaqstan Respýblıkasy Atom energııasy jónindegi agenttiginiń tóraǵasy Almasadam Sátqalıev Amerıka Qurama Shtattarynyń Qazaqstan Respýblıkasyndaǵy Tótenshe jáne Ókiletti Elshisi Djýlı Stafftpen kezdesý ótkizdi, dep habarlaıdy agenttiktiń baspasóz qyzmeti.
Kezdesý barysynda taraptar atom energııasyn beıbit maqsatta paıdalaný salasyndaǵy aǵymdaǵy ózara is-qımyl máselelerin talqylady, sondaı-aq odan ári yntymaqtastyqtyń jekelegen baǵyttary boıynsha pikir almasty.
Ózara is-qımyl qoldanystaǵy halyqaralyq kelisimder sheńberinde jáne ıadrolyq qaýipsizdik pen taratpaý salasyndaǵy mindettemelerdi saqtaı otyryp júzege asyrylatyny atap ótildi.
Sondaı-aq, taraptar ǵylymı-tehnıkalyq yntymaqtastyq, tájirıbe almasý, kadrlar daıarlaý máselelerin talqylady. Talqylaý syndarly jáne nátıjeli boldy.
Kezdesý qorytyndysy boıynsha beıindi máseleler jónindegi dıalogty jalǵastyrýǵa ózara qyzyǵýshylyq rastaldy.
Osyǵan deıin Qazaqstan atom energetıkasyn damytý úshin qandaı tehnologııa qoldanatyny týraly jazdyq.
