Almasadam Sátqalıev AES qurylysyna qatysty refrendýmǵa oraı pikir bildirdi

ASTANA. KAZINFORM — Energetıka mınıstri Almasadam Sátqalıev AES qurylysyna qatysty referendýmǵa oraı pikir bildirdi. 

«Memleket basshysy atom elektr stansasyn salý máselesine qatysty jalpyulttyq referendým ókizý týraly Jarlyqqa qol qoıatyndyǵyn málimdedi. Munan keıin Konstıtýtsııalyq zańǵa sáıkes, Ortalyq saılaý komıssııasy referendýmdy ótkizý jónindegi jospar jasaıdy. Qazirdiń ózinde óńirlerde joǵary qyzyǵýshylyqty baıqap otyrmyz, túsindirý jumystary da jalǵasyp jatyr. Parlament depýtattary da osy máselege qosylyp, saılaýshylarmen, qaýymdastyqtarmen, qoǵamdyq pikir kóshbasshylarymen taqyryptyq kezdesýler ótkizedi dep oılaımyn», - dedi mınıstr Parlament palatalarynyń birlesken otyrysynan keıin.

Aıta keteıik, búgin Memleket basshysy Qasym-Jomart Toqaev atom elektr stansasyn salý máselesine qatysty jalpyulttyq referendým bıyl 6 qazanda ótetindigin jarııa etti.

«Atom elektr stansasy týraly referendýmǵa qatysty da dál solaı bolýy kerek. Byltyr men bul másele boıynsha óz pikirimdi aıttym, ıaǵnı, referendým taqyrybynyń qoǵam talqysyna túskenine bir jyl boldy. Bul azamattarymyzdyń jan-jaqty oılanyp, salmaqty sheshim qabyldaýyna jetkilikti merzim dep oılaımyn. Sondyqtan men Úkimettiń usynysyn qoldaımyn. Atom elektr stansasyn salý máselesine qatysty jalpyulttyq referendým bıylǵy 6 qazanda ótedi. Búgin tıisti Jarlyqqa qol qoıamyn», - degen edi Prezıdent.