Almas Jalı kreatıvti ındýstrııany tsıfrlandyrýdy usyndy
ASTANA. QazAqparat – Kreatıvti ındýstrııany salyqtan bosatý qajet. Bul týraly Strategııalyq bastamalar forýmynda Brave Talents negizin qalaýshy Almas Jalı aıtty, dep habarlaıdy QazAqparat tilshisi.
«Eger kreatıvti ındýstrııa ónimderiniń eksportyna kóz júgirter bolsaq, elimiz boıynsha jalpy tabys 500 mln dollardan asyp túsedi. Biraq, munyń bári tsıfrlanbaǵan. Biz de kreatıvti ındýstrııa qalyptastyrý arqyly osynaý beıinge úlesimizdi qosqymyz keledi. Bolashaǵymyzdyń negizgi túriniń biri – bul aqparattyq tehnologııalar. Oǵan óte kóp dotatsııa baǵyttalyp jatyr jáne olar salyqtan bosatylǵan. Dál osyny kreatıvti ındýstrııada baıqap kórmekpiz. Bizge jańa quraldardyń qajeti joq. Astana Hub bar. Soǵan qosylý qajet jáne olardy salyqtan bosatqan jón», - dedi ol.
Onyń atap ótýinshe, qazirgi ýaqytta kreatıvti ındýstrııa eshqandaı salyq tólemeıdi.
«6 leıbl ǵana sońǵy 3 jyldyń ishinde 500 mln dollardan astam qarjyny ıgerip otyr. Kreatıvti ındýstrııany tsıfrlandyryp, Astana Hub-qa qosýymyz kerek. Sonda rezıdentterdiń ósimin, sanyn, qansha kıno túsiriletindigin jáne olardyń qanshalyqty artqanyn túsinetin bolamyz. Munyń bárin tsıfrlandyrsaq, Ońtústik Koreıa deńgeıine kóterilemiz. Bul el K-Ror baǵytyndaǵy 4 toptyń arqasynda bıýdjetke 10,3 mlrd dollar qosyp otyr», - dedi Almas Jalı.
