Almas Óteshov 2012 jylǵy Olımpıada boıynsha dopıng-testten ótpeı qaldy
ASTANA. QazAqparat - Ziltemirshi Almas Óteshov bir jylda eki ret dopıng daýyna ilikti, dep habarlady Sports.kz Halyqaralyq aýyr atletıka federatsııasynyń resmı saıtyna silteme jasaı otyryp.
Atalǵan halyqaralyq uıymnyń resmı saıtyndaǵy málimdemede Óteshov 2012 jylǵy Olımpıada oıyndaryna qatysty dopıng tekserýden ótpeı qalǵany aıtylady. Ol álemdik sport dodasynda Almas Óteshov 7-shi orynǵa taban tiregen bolatyn.
Eske sala keteıik, Halyqaralyq aýyr atletıka federatsııasy (IWF) Hıýstonda ótken álem chempıonaty kezinde qazaqstandyq Almas Óteshovtiń qanynan dopıng tabylǵanyn málimdegen bolatyn. Hıýstondaǵy álem chempıonatynda Almas Óteshov kúmis medal alǵan.
Atalǵan tizimde Reseı, Moldova, Túrkııa, Armenııa, Grýzııa, Ázerbaıjan sportshylary da bar.
