«Almas qylyshtyń» jalǵasyn bıyl túsirý kerek - Muhamedıuly

ASTANA. QazAqparat - QR Mádenıet jáne sport mınıstri Arystanbek Muhamedıuly «Qazaq handyǵy. Almas qylysh» fılmin bıyldan qaldyrmaı jalǵastyrýǵa múddeli, dep habarlaıdy QazAqparat tilshisi.

«Biz Kereı men Jánibekpen shektelmeı, ol fılmdi Qasym hanǵa deıin túsirýimiz kerek. Shyny kerek, búginde «Almas qylyshty» ary qaraı jalǵastyrýǵa barlyq daıyndyqtar bar. Ony mindetti túrde jalǵastyrýymyz qajet. Osy jyly Qazaq handyǵynyń epopeıasyn Qasym hanǵa deıin jetkizýimiz kerek», - dedi mınıstr Úkimet otyrysynan keıin ótken baspasóz máslıhatynda.

Aıta keteıik, Mınıstrler kabınetiniń búgingi otyrysynda «Qazaq handyǵy. Almas qylysh» fılminiń rejısseri Rústem Ábdirash halyq tarapynan fılmniń jalǵasyn túsirýge qatysty ótinishterdiń kóptep kelip jatqanyn jetkizdi. Alaıda oǵan qarjy qajet. «Bıyl fılmniń jalǵasyn túsiretin oıymyz bar. Sondyqtan, sizder, el aǵalary qoldap, osy joly durys bıýdjet berińizdershi. Óıtkeni qınalyp jumys isteısiń. Aıaǵyńa tartsań, basqa jetpeıdi. Basyńa tartsań, aıaqqa jetpeıdi. Endi, bul ózimniń ákem týraly fılm emes. Ol - búkil xalqymyzdyń tarıxy. Osy jerde otyrǵan barlyq azamattardyń tarıxy. Sondyqtan bul jobany jalǵastyryp, kelesi jyly pash etsek, durys bolar edi», - depatap kórsetti rejısser.