«Almas qylysh» fılmi qytaıdaǵy qandastarymyzdy eleńdetti
ASTANA. QazAqparat - «Almas qylysh» fılmine qytaıdaǵy qandastarymyz erekshe qyzyǵýshylyq tanytýda, dep habarlaıdy QazAqparat.
Saıtymyzdyń tótejazý jáne qytaı tili nusqalarynda jaryq kórgen "Almas qylysh" fılmine qatysty aqparattarǵa qytaıdaǵy qandastarymyz jarysa pikir qaldyrýda. Kópshiligi týyndyny bir kórýge asyq ekendigin jetkizgen. Kesheden bergi kınonyń prokatqa shyqqandyǵy týraly aqparat qandastarymyzdyń tipten degbirin qashyrdy. Keıbiri kınony kórý úshin Qazaqstanǵa arnaıy ushyp kelýdi josparlap otyrǵandyǵyn da jazǵan.
«Bul kınony qaıdan kórýge bolady? Qytaıda prokatqa shyǵa ma?», «Alǵa Qazaq! Osyndaı tarıhymyzdy sýretteıtin, ulttyq jigerimizdi janyp, namysymyzdy oıatatyn kınolar kóbeıe bersin. Tarıhyn bilmeı adasyp júrgenderge úlgi bolsyn!», «Qazaq tilinde túsirilgenine qatty rızamyn! Orys tilinde aýdarmasy bar, biraq nege aǵylshyn tiline dýblıaj jasalmaǵan? Basqa shet elderge de kórsetý kerek dep oılaımyn!», «Qazaqtyń uly tarıhyn ekran aldyna shyǵaryp, jurtqa ultymyzdyń ulylyǵyn tanyta berý kerek», «Kınony Almatyǵa baryp kórip keleıin dep josparlap otyrmyn», «Qytaıda qoıylsa eken. Asyǵa kútemiz!», «Urpaqtarymyzǵa osyndaı kınolardy kóptep kórsetip, sanalaryn ulttyq rýhpen sýsyndatý kerek!»,dep jazady pikir qaldyrýshylar.
