Almas Kishkenbaevtyń Naýryz meıramyna tosyn syıy
ASTANA. QazAqparat - Ulystyń Uly kúni - Naýryzdyń 22-sinde jańa telemaýsymda kórermen kóńilinen shyqqan «Balamen betpe bet» keń aýdıtorııaly telejoba jańa formatta kórermenge jol tartady.
Bul týraly «Qazaqstan» ulttyq telearnasynyń baspasóz qyzmeti habarlady.
Kórermenderdiń kóńilinen shyqqan baǵdarlama (60 san) endi budan bylaı «Balapan» telearnasynda emes, «Qazaqstan» arnasynda efırge shyǵa bastaıdy jáne onyń jańa júrgizýshisi paıda bolady.
22 naýryz, saǵat 16.05-te «Qazaqstan» telearnasynda tanymal estrada ánshisi Almas Kishkenbaev «Balamen betpe-bet» baǵdarlamasynda stýdııanyń kishkentaı qonaqtarymen tildesip, suraqtaryna jaýap alady.
