Gandboldan Qazaqstan áıelder quramasy álem chempıonaty toptyq kezeńin aıaqtady
ASTANA. KAZINFORM - Búgin gandboldan Qazaqstan áıelder quramasy 2025 jylǵy álem chempıonatynyń toptyq kezeńin aıaqtady.
Dúbirli dodada barlyǵy 32 qurama synǵa túsip jatyr. Olar barlyǵy segiz topqa bólingen. Otandastarymyz H tobynda Norvegııa, Ońtústik Koreıa jáne Angolamen oınady.
Eki qurama da alǵashqy eki týrda jeńilistiń aşy dámin tatty. Sondyqtan árqaısysy qarsylasyn qapy qaldyrý úshin bar kúshin salatyny anyq edi.
Ońtústik Koreıa quramasy oıyn bastalǵannan tizgindi óz qolynda ustaýǵa tyrysty. Nátıjesinde olar birinshi kezeńde 15:7 esebimen basym tústi.
Ekinshi kezeńde de koreılik gandbolshylar basymdyqty arttyrdy. Bul kezdesýde Qazaqstan quramasy qarsylasyna 17:35 esebimen jeńilip qaldy.
Endi otandastarymyz aldymen Angoladan 20:38 esebimen jeńilse, odan keıin Norvegııaǵa 16:41 esebimen jol berdi.
El quramasy endi 24-32 oryndar úshin synǵa túsetin quramalar qataryna qosylady.
Qazaqstandyq gandbolshylar 2008 jyly Olımpıadada 10-orynǵa alǵan edi. Odan keıingi jyldarda dúbirli dodadan tys qaldy.
Otandastarymyz qazirge deıin álem chempıonatynda jeti márte baq synady. Olardyń joǵary jetistigi - 2007 jylǵy 18-oryn.